أفكاري عن : The Breadwinner
“Raise your words, not voice. It is rain that grows flowers, not thunder.”
― Rumi
“إرفع كلماتك و ليس صوتك ، إنها الأمطار اللتي تنبت الأزهار و ليس الرعد”
— جلال الدين الرومي
بطلة في مهمة مستحيلة بالنسبة للبيئة اللي هي فيها و سلحها الوحيد هو القصص لدرجة إن قصتها ذات نفسها هي عبارة عن سلاح برضوا في مواجهة الحاجات اللي هتعدي بيها و قبل حد قال إن الكدبة الحقيقية الوحيدة هي كدبة القصاصين أو الحكواتية لأن يمكن يكونو بيألفوا و بيقولو قصص محصلتش لكن كدبهم دة بينقذ ناس و أرواح و بيطبب جراح و بيحمي و يدافع كمان .
الهدف المعتاد لأي بطل في أي قصة هو إنه ينتصر على الشر و يحقق أقصى إنتصار ممكن و يوقع بالشر أقصى هزيمة ممكنة و يقضي عليه كمان لو يقدر لكن قصتنا النهاردة الهدف بتاع مهمة البطل فيها أو خلينا نقول البطلة أو خلينا نقول البطلات إنهم يعيشوا مجرد إنهم يعيشوا فقط لاغير ؛ و في الحقيقة هما مجرد تمثيل للحالة الإنسانية اللي المفروض تكون رافضة الحرب و رافضة الدمار و القتل فهما بيمثلوا رمزية للبشر عموما في رحلتهم في الحياة و المعاناة اللي بيمروا بيها عن طريق إظهار أقصى قدر ممكن من المعاناة ممكن يوصل ليها الإنسان أي كان جنسه ، طبعا يعني دة كان سنة 2017 يعني قبل اللي شوفناه في حرب سنة 23 و سنة 24 .
البطل لما يبقى عايز مجرد إنه يعيش -أنا شايف- دة بيبقى أكتر قوة من مجرد إن البطل يكون هدفه القضاء على الشر ، و دة لأن الشر هو طبيعة متأصلة متجزرة في العقول و النفوس البشرية مستحيل يتم القضاء عليه لأنه طبيعة حيوانية مهياش شيء مادي زي الخير مثلا ممكن يكون أفعال لكن الشر هو مجرد غياب أفعال الخير يعتبر في حد ذاته شر كأنه العدم هو الشر فإزاي هيقدر أي بطل إنه يقضي على العدم لكنه ممكن يحاول يحاربه -علشان كدة هو بطل- بإنه يعمل وجود اللي هو متمثل في الأفعال الحسنة و الخيرة علشان العدم يحل محلة وجود و بالتالي يبقى فيه خير ، و علشان كدة فالبطل اللي عاوز مجرد يعيش أكثر منطقية من البطل اللي عاوز يقضي على الشر لأن البطل الأول عنده قدرة في إنه يتسامح أكتر و يحاول يلاقي طرق إنه ينشر السلام بالمعرفة خلال رحلته لكنه مش عاوز يكون نقيض للشر و بالتالي يعمل أعماله وأفعاله في إنه يقتل و يدمر برضوا في سبيل إنه ينهي و يقضي على الشر الأمر اللي زي ما وضحنا إنه مستحيل .
فيلم كارتون كارتوني حلو و كان نفسي القصة اللي بتتحكي في الفيلم تاخد وقت و حيز و تفاصيل أكتر من اللي هي أخدته في الفيلم الأصلي لكن غير كدة فهو متوازن و لطيف .
هتفرج بكرة على الفيلم القصير
The War Is Over 2023
اللي فاز بأوسكار أحسن فيلم قصير
— فيلو Philo
28 هاتور 6266
7/12/2024
